ASMAKIZUNAK

Kobazulo hori
beti dago hezea,                                                                         
hesi zuriz inguratua
han bizi da herensugea.  
                                               
 Bi nini doaz parean
ezin elkarri begiratuz.     
                                               
Ez naiz tronpeta, baina tronpeta batek bezala jotzen dut,
ez naiz eskopeta, baina eskopeta batek bezala bi kanoi ditut.
Zer naizen badakizu?     
                                               
Bata bestearen gainean,
hor daude zure gorputzean
musuka denbora guztian. 


Balio du jateko
balio du ukitzeko
txalo egiteko
eta nola ez!
orri hau pasatzeko.

Bi dituzu
eta haiekin
asmakizun hau
entzungo duzu.

Luze-luzea duzu
aurpegi erdian,
bi zulotxo ditu
puntaren azpian.

Ez dira eskuak
baina atzamarrak dituzte.
Zutik egoteko, ibiltzeko, 
futbola jolasteko
balio dute. Zer dira?

Esku bakoitzean bost
hazten direnean
etortzen dira guraizeak.

Sudurraren gain- gainean
bizulo bizi- bizi
beti dabiltza ihesi
nahi zaituzte ikusi.

1.       (AHOA) 
2.       (BEGIAK) 
3.       (SUDURRA)     
4.       (EZPAINAK)
5.       (ESKUAK)
6.       (BELARRIAK)
7.       (SUDURRA)
8.       (OINAK)
9.       (HATZAZKALAK)
10.       (BEGIAK)